Z Nuknice/Nucknitz. „Jutry nimo-Kino fever“ to jo nowy rěd kulturnego towaristwa Barakka w Nuknice pla Kamjeńca. Towaristwo pokazujo filmy, kenž se hynźi lěbda pokazuju. Toś ten rěd jo źěl nowego koncepta. Kśě wěcej mjeńše zarědowanja organizěrowaś. Nukstock-Openair-Festival buźo wjelicny wjerašk, kenž se kužde druge lěto pśewjeźo.
Za premjeru slědnu sobotu w młoźinskem klubje Nuknica jo se raźiło pśepšosyś towaristwo filmowy festiwal Bilbamovie – což jo wjelike wuwześe za Běłorusku. Direktora a kuratora Janusz Gawaryluk a Piotr Dudanowicz stej wuwitałej 50 gósći. A stej dałej zawjeźenje za prědny film „Gdy kwiaty nie milcza“ („Gaž kwětki njemjelce“). Film jo wót režisera Andrei Kutsily.
„Film pokazujo napněta połoženje w Běłoruskej pó masowych protestach pó wobšuźe pśi wuzwólenju prezidenta Aljaksandr Lukaschenko. Bóžko medije pódwjacora mało rozpšawjaju wó tom. Film se pokazujo jano na wósebnych festiwalach. W interneśe njamóžomy film wiźeś. Kužda akterka, kenž se w filmje pokazujo, jo wobgrozona“.