Spěchowański projekt „Unesco 5“ dej zwězaś wšake Unesco-městna. To su biosferowy rezerwat Błota, globalny geopark Ług Mužakowa, biosferowy rezerwat górnołužyskeje góle a górnołužyskich gatow a Mužakojski park. W lětach 2023 do 2026 se wobźěłaju w „UNESCO 5“ wósym źělnych projektow. Domowina jo projektowy partnaŕ. Z lěta 2020 jo sedło zastojnstwa UNESCO globalnego geoparka Ługa Mužakowa w starej cyglowni w Małem Kólsku. Za Nowy Casnik jo Jost Schmidtchen se rozgranjał z diplom-geografku Nancy Saueroweju wó prědnych detailach praktiskego źěła. Wóna jo direktorka EVTZ mbH UNESCO-globalny geopark Ługa Mužakowa (EVTZ: Europäischer Verbund für territoriale Zusammenarbeit/ Zwězk Europy za zgromadne źĕło wšakich stronow).
Kak a ga projekt UNESCO 5 jo nastał?
To jo dobrowólny zwězk styrich UNESCO–městnow na źěłowej rowninje, aby za strukturnu změnu Łužyce wugbał konkretny pśinosk. Mój kolega Cord Panning wót UNESCO-swětowego kulturnego derbstwa Mužakojskego parka jo dał póstark 2018/2019 Domowinu pśepšosyś, aby sobu źěłała.
Cogodla ?