Teke lětosa pytatej Nowy Casnik a młoźinski aktiw Domowiny nejrědnjejšy majski abo swětkowny bom Dolneje Łužyce. Kužda kupka móžo se pśi wuběźowanju wobźěliś. Jury wubjerjo te nejrědnjejše bomy. Pśi wšych kupkach buźomej se wuźěkowaś, te tśi nejlěpše kupki dostanu rědne myto. Nowy Casnik buźo wót wuběźowanja pisaś.
Kriterije pógódnośenja su:
wuglědanje boma
wobźělenje pśi pśigóto-
wanju (wiśe) a stajanju
boma
wašnja stajanja
(za stajane z ruku dajo
bonusowe dypki)
wusokosć boma
Wšykne, kótarež kśě se wobźěliś, deje nam pósłaś
nanejmjenjej tśi wugro-
niwe fota (digitalnje) abo jaden
wideoclip wó
pśigótowanju a pyšnjenju boma
wót stajanja boma
nanejmjenjej jadno wugroniwe
foto stojecego boma (digitalnje)
Slědujuce dalšne informacije trjebamej:
pśigranjański partnaŕ z adresu,
telefoniskim numerom a mejlo-
wu adresu
wusokosć boma a licba paršo-
now, kótarež su pśi pśigótowanju
(wiśe) a stajanju boma pomogali