Ze Strjažowa/Striesow. Strjažow ma jadnab 360 wobydlari, a 25 wót nich słuša k aktiwnej strjažojskej młoźinje. Wót lěta 2015 jo Michelle Schneiderojc młoźinska šefowka, a wót lěta 2016 stoj Christian Schmerl jej rownogódnje na boce. Pśed dwěma lětoma jo Oskar Hummel ako pódpěru k młoźinskemu pśedsedaŕstwoju pśišeł. Michelle a Christian stej byłej tencas tej prědnej, ako su pó źaseś lětach do młoźiny pśiwzeli. Toś jo była mjazy młodostnymi wjelika starstwowa źěra. We zachadnych lětach njejo se změniło, až jo nałog jatšownego wognja za Strjažowarjow nejwažnjejša serbska tradicija w běgu lěta. Tak stej teke Michelle a Christian tencas zagóritosć za tu tradiciju sobu krydnułej, a stej ju nowym cłonkam młoźiny dalej dawałej.