Z Hochoze/Drachhausen. Zajźonu sobotu jo hochoski „Złośany plon“ bejnje połny był, dla togo až su wuswěśili premjeru źiwadłowego graśa „Piwo“ Nimsko-Serbskego ludowego źiwadła Budyšyn (NSLDź). Ned na zachopjeńku njejo dramaturgowka Madleńka Šołćic jano pśiglědarjow wuwitała, ale jo jich teke z wokom zmyrkotajucy pšašała, lěc kuždy ma jadno piwo za pśedstajenje „Piwo“. A take jo wětšy źěl publikuma z Hochoze, Janšojc, Mósta, Turjeja a wokolnych jsow měł.