Sobotu změjo kus „Piwo“ dolnoserbsku premjeru we Hochozy. Tema jo poměr mjazy nanom a synom. To jo komedija, kótaruž to Nimsko-serbske ludowe źiwadło (NSLDź) jo nazwucowało. Režiju jo pśewzeł Alexander Maruš, z rodom z Rownego a absolwent Dolnoserbskego gymnaziuma. Stefanie Krawcojc jo se z nim rozgranjał.

Alexander, sy južo ako młoźeńc był aktiwny na pólu źiwadła. Co dokradnje sy gótował?

Som był w młoźinskem klubje źiwadła „Piccolo“, pózdźej som měł rolu pla jadneje „Randzonenermutigung“ na Statnem źiwadle w Chóśebuzu. Jo, a pón som zgónił wót serbskego studija w Budyšynje a som lětko dłujko był grajaŕski elewe na NSLDź.

Sy pón měł dalšne serbske produkcije abo źiwadłowe nadawki?

We tom zmysle jo ta produkcija něnto, ga „Piwo“, mójo prědne źěło how a ja njejsom měł někake dalšne inscenacije we serbskich zwiskach pó cas ako elewe.

Kak jo pśišło k něntejšnemu zgromadnemu źěłoju z NSLDź ?