Z Janšojc/Jänschwalde. Wót měrca dostawa serbsko-nimski domowniski muzej pšawidłownje woglěd wót Serbskego instituta z Budyšyna. Wót 2021 ga pśewóźujo kulturny wědomnostnik instituta Robert Lorenz projekt „Register serbskego kulturnego derbstwa“ (RSK) sobu. Pśi tom jadna se wó digitalne registrěrowanje zběrkow serbskego kulturnego derbstwa. Do togo deje se zapśěgnuś zběrki muzejow, domowniskich śpow, archiwow ako teke priwatne. Tak mógu wšykne institucije platformu wužywaś a se informěrowaś, kótare eksponaty teke w drugich domach eksistěruju. Inwentarizacija by se transparentnjej pśewjadła a jo za wědomnostnu, pedagogisku, žurnalistisku, muzealnu a powšyknu rešeršu pśistupna. Digitalizacija by tež k šćitoju a zachowanju kulturnego derbstwa pśinosowała.