Z Drježdźan/Dresden. Wótpósłańca Serbskego sejma Jadwiga Pjecec a Hajko Kozel, pśedsedarja wuběrka „wustawa a pšawo“, stej 21. měrca w Sakskem krajnem sejmje pominanja swójogo gremiuma kněžujucym na krajnej a zwězkowej rowninje pósrědniłej. Pó serbskem witanju pśez Pjacec jo dr. Měrćin Wałda ako fachnik pomjenjonego wuběrka na historiju pódzajtšnosłowjańskich rodow, kótarež su byli na teritoriju něgajšneje DDR zasedlone, nawězujucy rozpad serbskego rěcnego nałožowanja wujasnił. Napśeśiwo swójomu źiśetstwoju, ako jo wón mógał pó droze do Dolneje Łužyce wšuźi serbski powědajucych luźi dožywiś, jo serbska rěc we wšednem dnju mjaztym mjenjej abo wěcej na „katolski tśirožk“ wobgranicowana, jo gronił. Kampanja „Sorbisch? Na klar“ jo wopacny zaśišć samorozymliwosći zbuźiła, jo gronił.