Ze Žytawy/Zittau. Liche „radijo Zett“ Žytawa jo kupka źěłabnych, wuknikow a žurnalistow, organizěrowanych pód towaristwom Radio-Initiative Dreiländereck e.V.

Radijo Zett se tež cesto zaběra ze serbskimi temami a gótujo interview ze serbskimi kulturnikami. Njeźelu, 12. měrca, su wóni wugótowali podcast z awtorku a publicistku Justynu Michniuk a awtorom spiwow Wernerom Měškankom. Benedykt Dyrlich jo se z manźelskima rozgranjał. Werner jo napisał wušej ako 400 tekstow na muziku dogromady 25 serbskich komponistow. Gaby te spiwy jaden pó drugem grali w radiju, by to trało dogromady nanejmjenjej 20 góźinow. Wó wóterych wót nich jo tekstaŕ wulicował „Zettoju“ a jo recitěrował swóje basni a wulicowańka a jo teke wulicował wó stawiznach swójeje familije, ako južo we wěcej generacijach se zaběra ze sorabistiku a slawistiku.