My smy redakcija Šulskego Casnika na Dolnoserbskem gymnaziumje a wobstarujomy našu šulu a sobuwuknikow a sobuwuknice z nowosćami. W redakciji smy šesć redaktorow, a mamy teke liche sobuźěłaśeŕki a lichych sobuźěłaśerjow. Redakcija jo se zestajała w septemberje 2022, w decembrje jo se to prědne wudaśe wózjawiło. W casu załoženja smy byli tśi redaktorki: Clara Šernigojc, Larissa Kabišojc a Lucie Loichenojc. Franciska Albertowa jo nas wót zachopjeńka pódpěrowała, wóna jo młoźinska koordinatorka Domowiny. We februarje 2023 jo redakcija wó tśo nowe redaktory pśirosła: Julius Domke, Marcin Grala, Daniil Ladnev. My smy:
Clara Šernigojc,
16 lět stara:
Jeje hobbyje su: graś na gitarje a klawěrje, tenis, rucne źěło a cytanje. Za Šulski Casnik pišo rada wó temach z domownje, drugich kulturach, politiskich a towarišnostnje kritiskich temach.
Julius Domke,
16 lět stary:
We swójom wólnem casu grajo kopańcu, blidowy tenis, basketball a komputerowe graśa. Wón se zajmujo za aktualne politiske temy, ako teke za temy kótarež wuknice a wuknikow nastupaju.
Lucie Loichenojc,
14 lět stara: