Ze Serbskego domu/Wendisches Haus. Domowinska župa Dolna Łužyca pśewjeźo swóju lětosnu głownu zgromaźinu w Tšupcu/Straupitz we wokrejsu Damna- Błota (LDS). Ako termin za to jo pśedwiźony pětk, 2. junija 2023. Župne pśedsedaŕstwo jo se za Tšupc rozsuźiło, dokulaž co swóje lětne głowne zgromaźiny teke w tych stronach wugótowaś, źož su byli do lěta 1990 wšake samostatne župy w Dolnej Łužycy. Tšupc jo ga słušał do župy Kalawa/Lubin. Na swójom pósejźenju slědny tyźeń wałtoru w Serbskem domje jo župne pśedsedaŕstwo głownu zgromaźinu oficialnje zwołało. Tak móžo se južo něnto daś do pśigótow togo Domowinskego zarědowanja w Dolnej Łužycy.