Z Turjeja/Tauer. Slědny kóńc tyźenja jo turjańska młoźina zasej zapust swěśiła. Jo to było prědny raz pó pandemiji a wšykne su se wjelgin wjaselili. Pó tyźeń dłujkich pśigótowanjach jo było sobotu, 11. februara, tak daloko. Zeger wósymich jo młoźina w Turjeju-Pód-zajtšu se zmakała k camprowanju a jo pón ceły źeń pśewoblacona pó jsy śěgnuła. Wjacor su ten źeń z party w młoźinskem klubje Turjej zakóńcyli.