To jo typiske burske twarjenje we Wendlanźe. Te su se pśecej stajili we krejzu kołowokoło najsy. Togodla se groni tym jsam teke „kulowac“ Foto: archiw NC 
Z Łuchowa/Lüchow. W lěśe 1991 su Serby a pśisłušniki słowjańskeje mjeńšyny we Wendlanźe w Nižonimskej stupili do zgromadnego źěła. Pśi tom jo šło głownje wó wuměnu (Austausch) w kulturnem źěle. Głownej partnarja stej pśi tom Domowina a towaristwo „Wendischer Freundes- und Arbeitskreis e.V.“ w měsće Łuchow/Lüchow, kótarež jo mjaztym teke asociěrowany cłonk w Domowinje.
Pó dlejšej pśestawce korony dla co toś to towaristwo lětosa dalšne zarědowanja za cłonkow a interesentow pśewjasć. Pśi tom co na to glědaś, až co Serbow do togo za-pśěgnuś. Wóno ma pśecej wuski kontakt z Domowinu a Serbami.
