Z Lubnjowa / Lübbenau. W lětach 1738 do 1741 dožywijo měsćański faraŕ Johann Gottlieb (Jan Bogumił) Hauptmann drje młogu njeměrnu noc. We tom casu su staru cerkwju města wótryli a nowu cerkwju natwarili. Mimo wšednych prjatkowanjow a źěłabnosći ako faraŕ, jo teke dało pśi nowotwari cerkwje kontrolěrował a pomagajucy statkował. Pśisamem 40-lětny jo mógał tencas južo na někotare wuspěchy w swójom žywjenju pokazaś.