Z Lubnjowa/Lübbenau. Rowno něnto, w zymnem lětnem casu, wjasele se ptaški, gaž namakaju ptaškowu budku połnu futera. Taku budku z wjerbow wuplasć pak njejo tak lažko. To pśed krotkim su teke cłonki Domowinskeje kupki „Jaskolicka“ z Lubnjowa wuznali. Wóni su se wobźělili na kursu za pleśenje, kótaryž jo Pětš Lehmann nawjedował. Wón wobkněžyjo toś to rucnikaŕstwo južo wjele lětźasetkow. Wón wě, źo nejlěpše wjerby w Błotach stoje, ga musy je wobrězaś, gaž witki pśigótujo, aby mógał je pśeźěłaś na kórbik, ptaškowu budku, źaržnik za sykorine knedliški abo za wětšowe grajki (Windspiel). Galerija Utaciani w Lubnjowje jo wuglědała ako źěłaŕnja: wšuźi wjerbowe witki.

Ze styrich mócnych witkow su Domowinske cłonki zachopili twariś dno ptaškoweje budki.