Michael Johannes Andreas Sembdner jo lubowaŕ serbšćiny a słowjańskich rěcow. „Case se pśeměniju, a my se w nich pśeměnijomy...“ groni wón na swójom webboce. Wón jo basnikaŕ, wšo jogo žywjenje jo wusko zwězane z Łužycu, serbskimi zmysłami a cerkwju. Jo se naroźił we Wikowje (Elsterwerda) w lěśe 1956. Jo wuknuł graś na blokowej flejśe a wiolinje, pózdźej jo se za zastojanje wukubłał a jo źěłał ako eforalny sekretaŕ a cerkwiny zastojnik.