Z Pódstupima/Potsdam. Serbski institut jo w aprylu 2021 prezentěrował wustajeńcu „Die Freiheit winkt/Swoboda kiwa“ w Serbskem muzeju w Budyšynje. We srjejźi stoj historija Serbow, fokus jo cas mjazy wójnoma, wjerašk narodnych procowanjow. Pódtitel jo „Die Sorben und die Minderheitenfrage nach 1918/ Serbja a mjeńšynowe prašenje po 1918“. Wuchadk jo to póžedanje za awtonomiju. Wustajeńca jo drogowała pó wšakich městach, něnto jo w Bramborskem sejmje. Wótwórili su ju 10. januara, wuwitańske grono jo źaržał dr. Hauke Bartels, direktor Serbskeg instituta. Zawjeźenje jo dał dr. Friedrich Pollack, wjednik wótźělenja za kulturne wědomnosći w Serbskem instituśe. Wón jo nawjedował pśigótowanje teje wustajeńce.