Z Města/Cottbus. Zachadnu sobotu we Łužyca-Arenje pśi sportojskem centrumje Chóśebuz su 13. balokopański turněr „Łužyski brunicowy cup 2023“ pśewjadli. To jo k prědnemu razoju se raźiło pó tśilětnej pśestawce. Jen organizěrujo južo 15 lět sportowe zjadnośeństwo Frischauf Brjazyna z wokrejsa Sprjewja-Nysa. Zjadnośeństwo jo rowno pśed tym swój 111. jubilej wobstaśa swěśiło. Zachopjeńk turněra jo był zeger 14 a grali su hyšći dłujko pó změrkanju. Na wuběźowanju su se wobźělili mustwa z Běłeje Wódy, Gogolowa, Strobic, Gubina, Bórkow, Zaspow a Lubina. Do połfinale su pśemógli pśiś mustwa SG Bórkowy, 1. FC Gubin, SV Grün-Weiß Lubin a strobicańske mustwo SV Wacker 09. We finale stej grałej Strobice a Lubin. Dobyśarje su Strobicanarje, wóni su myto we wusokosći 400. euro dostali.