Z Mósta/Heinersbrück. W lěśe 2011 jo se ta wěc z nuze „póroźiła“, mjaztym jo to rědna tradicija: hobby-mólarje togo „Oase Maltreff“ w zmakanišću za seniorow AWO w Picańskem amśe su južo swóju źasetu wustajeńcu instalěrowali w mósćańskej cerkwi. Tencas jo pśišło pśepšosenje ze Šwidnice, to jo partnaŕska gmejna Picańskego amta. Tśi dny dłujko jo wósym hobby-wuměłcow pśebywało na plenair we tej pólskej gmejnje. Mólaŕska kupka w „Oase 99“ jo južo eksistěrowała wót 2006, tak jo se dosć wuměłcow namakało, a hyšći dalšnych. Wót togo casa se zmakaju mólarje teje „Oase“ ze senioroweju kupku „Astry“, raz we Šwidnicy, raz w Picańskem amśe a móluju zgromadnje. Pleinairy su se financěrowali pśez „Euroregion Spree-Neiße Bober“ abo pśez Gatojsku załožbu (Teichland-Stiftung). Pśecej jo tam była wósebna tema.