Z Kśišowa/Krieschow. W młogich serbskich jsach w Dolnej Łužycy maju južo dawno małki muzeum abo swóju bursku abo domownisku śpu. W Kśišowje taku pak hyšći załožyli njejsu a dotychměst njejo take nejskerjej pśedwiźone. A weto jo w tej jsy, ako słuša do wjelikeje gmejny Gołkojce, jadna žywnosć, ako by mógała byś pópšawem zachopjeńk takego wejsnego muzeuma, w kótaremž wjelgin wjele dopomnjejo na starše burske case w tej jsy. A to rědne a wósebne pśi tom jo to, až ten wobsejźaŕ, ten góspodaŕ, wšykno zdźaržyjo, wobchowajo, za wažne a gódne ma. Jomu se groni Waldi Lobert, a ten jo kóńc starego lěta zešwyrnuł swójo 80. žywjeńske lěto.

Stary rěd –

mimo kóńca