Pód titlom „beSINNung / rozMYSLOwanje“ organizěrujo pianistka Heidemarie Wiesnerojc rěd wósebnych koncertow na zachopku lěta 2023. Z muzikarjami Christinu Byloweju (oboa, engelski rog), Mark Chaetom (wiolina) a Peter Jarchowom (klawěr-improwizacija) grajo wóna twóŕby znatych komponistow w Lipsku, Barlinju, Chóśebuzu, Budyšynje a Wórjejcach.
Mimo nacasnych kompozicijow Jana Cyža, Sebastiana Elikowski-Winklera, Ulicha Pogody zaklincyju klasiske twóŕby Bacha, Beethovena, Kobjele a Kocora. Ukrainski wiolinist a komponist Mark Chaet pśedstajijo swóje kompozicije, źož jo filmowa muzika za krimijowy rěd „Tatort“ pódla a Peter Jarchow pśechwatajo publikum ze štuckami, kótarež nastanu we wokognuśu graśa. Tak wobraźijo profesor za improwizaciju pśisłucharjam njezabytne dožywjenje.
Muzikowy redaktor a moderator serbskego programa pla rbb Gregor Kliem wjeźo nimski a serbski pśez program.
Zastup płaśi 12 euro, pónižone 10 euro na wjacornej kasy.
Terminy:
14. januar 2023, zeger 19:00
Schumannojc dom, Lipsk
15. januar 2023, zeger 16:00
Dom Murjowego muzeja
pśi Checkpoint Charlie, Barliń