Z Karlsruhe/Karlsruhe. Kak źo dalej pó swětowem zmakanju cerkwjow w Karlsruhe? Tomu pšašanjeju su se na digitalnem zmakanju wěnowali 28. nowembera 2022. Tam jo někak 170 luźi z cełeje Nimskeje pódla było. Běrow swětego zmakanja a teke zgromaźeństwo kśesćijańskich cerkwjow stej to zmakanje organizěrowałej. W zawjeźeńskich słowach jo biskup Heinrich Bedford-Strohm wopisował aktualnu situaciju. Jogo su w Karlsruhe ako nowego pśedsedarja swětoweje rady cerkwjow wuzwólili. Krizy na swěśe su se zawěsće teke wótbłyšćowali we tej raźe. A rowno glědajuce na to jo swětowa rada cerkwjow wažne zmakanišćo, wšak bitujo wóno forum, kótaryž funkcioněrujo zwenka stata.