Ze Žylowa/Sielow. Ako jo južo mała tradicija, su swěśili muzikowu namšu we tej cerkwi kóńc tyźenja pó epiphaniasu. Kužda ławka jo była wobsajźona, a weto by snaź mógało wěcej luźi pśiś na tu pśewšo rědnu Bóžu słužbu. Rozmjej: Tenraz jo to wšo było tśorěcne, serbske, nimske a ukrainske. Faraŕka Köhlerowa jo zasej powědała wót togo, kak jo se źiwała, až tśoch kralow njamaju wósadniki tudy wjelikich tradicijow. Pón jo pak zgóniła, až tamny nałog ku tśoch kralam jo była ta woklapnica.