Ze Smogorjowa/Schmogrow. Na woklapnicy jsy jo slědny kóńc tyźenja wejsny zastojaŕ René Schneider w rozpšawje pozitiwnu bilancu śěgnuł. Wšak organizěrowali zapust, jatšowny wogeń, majski bom stajali a kokota zabijali, kjarmušu swěśili, adwentske spiwanje měli a gódownicku seniorow. Wjeraški su byli jubilejny swěźeń w maju ku góźbje 100. narodninow wognjoweje wobory, pśechwatany póstup balokoparjow do wokrejsneje ligi a w juliju koncert z wjele gósćami k 120. narodninam muskecego chora „Liederkranz“ Smogorjow. Schneider jo se wuźěkował pla zastupnikow dorosta wognjoweje wobory, pla balokopaŕskego dorosta a pla spěchowańskego towaristwa „Małe Myški“ za jich aktiwitow.