Z Janšojc, Běłeje Góry, Žylowa/Jänschwalde, Byhleguhre, Sielow. Wjele luźi jo pśišło wót daloka, na swěźenje, do domownje slědk. Pó gódownem woglěźe w familiji wóstanjo cas, aby se ze pśijaśelami zmakaś. Z wjelikim gódownym stanom, pśidatnje k sportaŕskemu domoju, jo móžno było w Žylowje za 12,50 euro dožywiś cover-kupku nAund a na drugej rejowańskej płoninje k Beats DJ-ja Tobi rejowaś. Ze styrimi barami a jadnym piwowym wózom su se starali za dosć piśow. Chtož jo pó rejowanjeju głodny był, jo mógł pla žylojskego sportojskego towaristwa pjaconu jěšnicku dostaś. Něźi 1000 woglědari jo do Žylowa pśišło, mjazy nimi domacne a luźe z wokolnych jsow ako Depsk, Dešno, Strjažow, Brjazyna, Góry a Prjawoz.

W Janšojcach su se zmakali te z Pipanojc a ze jsy w Labšojc gósćeńcu „Zur Linde“ a mjazy nimi su byli teke žedne z Mósta, Drjenowa, Barbuka a dalšnych jsow. W Janšojcach jo se zdało, až noc jo wordowała źeń, akle zeger styrich su wordowali te slědne ze zala „wuchytane“.