Z Města/Cottbus. Skóro jaden mjasec pó chóśebuskem filmowem festiwalu su se zastupniki Šule za dolnoserbsku rěc a kulturu, filmowego festiwala a města Chóśebuz w Serbskem domje zmakali, aby pócesćili młode luźe za nejlěpšu filmowu ideju z nowym mytom za filmowe dorost „Akcija!“, dotěrowane z 3.000 euro. Pśi wuběźowanju stej se wobźěliłej dwě kupce ze serbskeje Łužyce: Kolektiw „Žaba“ – to su wukniki jadnastego lětnika ze Serbskego gymnaziuma w Budyšynje a tśi młode luźi z Chóśebuza, kenž su cłonki Kolektiwa „Wakuum“ a filmoweje seśi Łužyca.