Z Barlinja/Berlin. Prezident Nimskego zwězka burow Joachim Rukwied zespomina za lěto 2022 taku bilancu: „Njeźiwajucy na pśewažece pólěpšujuce wuslědki pśedewześow, na wjele pśedewześach góspodaŕska situacija jo pśeliš wupominajuca.
Wósebnje pla kubłarjow swinjow jo połoženje južo dlejšy cas napinajuce. Płaśizny producentow na rězne swinje a proseta njewótpowědaju stupajucym koštam a nuzkaju pśedewześa źeńk ako źeńk wótstupaś. Płaśizny producentow za trajdu a wólejowe produkty wuglědaju za prědne póglědnjenje pozitiwnje, ta pólěpšona dobytkowa situacija se pak spina pśez njesłyšane eksploděrujuce srjejźne płaśizny za pśedewześa na gnojidła a energiju. Košty na energiju a futer su se pódwójli, za gnojidła su wó styri raze wětše wordowali. Politiske a kaznidawaŕske napšawy pśi našych wuźěłach za wuběźowańske móžnosći a planowańsku wěstotu su wobgranicowane.“
Mjenjej burow kubła swinje w Nimskej