Ze Žylowa/Sielow. Lěto jo mimo a zasej lěto bźez zapustow. Njejo to pak tužne lěto było za młoźinu, pśeto jo se zasej wjele nałogow a aktiwitow wótměło. Teke młoźinski aktiw Domowiny z młoźinskim koordinatorom, Tobiasom Ungerom, jo zasej pilny był. Na zachopjeńku lěta su zmakanja drje online byli, ale malsnje su se młodostne zasej w klubowni Serbskego doma zmakali. Digitalnosć jo weto tema młoźinskego aktiwa, ako wuzwignjo Unger, to zmóžnijo kupkam malsnjejšu komunikaciju. Dogromady jo 12 młoźinskich kupkow lěto 2022 w žylojskem sportaŕskem domje wugódnośiło. Ako slědna akcija lěta su se wobraze za kalendaŕ młoźinskego aktiwa wubrali. Doprědka su młodostne mógali nejrědnjejše wobraze zgromaźiś a zapódaś, tak až tych 33 młodostnych jo pětk, 25. nowembera, z 94 wobrazow wubrało.