Z Chóśebuza/Cottbus. Pó dwěma lětoma jo wugbaśowy kurs serbšćiny 11. lětnika mógał zasej do Lipska jěś. Prědny raz jo taki wulět był w lěśe 2019. Wucabnik Tobias Geis jo kśěł tu tradiciju w sekundarnem schójźenku ll zachopiś, ale bóžko jo musał dla znatych zawinow (rozmjej korona) se z teju ideju rozžognowaś. Drogowanje jo měło cil, te wšake směry a móžnosći studiuma pśedstajaś, kótarež se póśeguju na to serbske. Institut za sorabistiku jo se zawěsće za to góźił.