Z Chóśebuza/Cottbus. Spěchowańske towaristwo za serbsku rěc w cerkwi jo wjelgin prezentne w Serbach, a to pśez pilne źěło jogo cłonkow na wšakich pólach. To jo k wěsći dał pśedsedaŕ Hartmut Leipner 19. nowembra w serbskem wósadnem zmakanišću w Chmjelowje na głownej zgromaźinje towaristwa. 41 cłonkow wóno ma, tśo su lětosa pśistupili, jaden jo zemrěł. Źěłabnosć zwěrnego cłonka, Loni Lischewscyneje su pśibytne ze spomnjeńskeju minutu cesćili.