Z Chóśebuza/Cottbus. Prědne dopołne lěto Dolnoserbskeje kulturneje akademije se chyla ku kóńcoju. Smy źiśam w šulach serbske reje nawucyli, ze a pśed źiśimi w źiśownjach źiwadło grali, spiwali z mjeńšymi a wětšymi luźimi, prědny raz małe jatšy swěśili, natwarili wjelike figury, w prozninach a na projektowych dnjach smy pśědli a filc naźěłali, smy klapali a namólowali, gjarncarjowali a wušywali, platli a śišćali. Za nami laže źěła połne, ale wjelgin rědne a wuspěšne mjasece. Bźez našych kreatiwnych a fleksibelnych partnarjow, pomocnikow a pódpěrarjow pak njeby to žednje zmejstrowali! Su nam z wjele wutšobineju kšwju a z teamowym duchom we wšakorakich situacijach pó boku stojali.