Z Budyšyna/Bautzen. Rowno tak ako druge serbske towaristwa njejo mógał teke Zwězk serbskich wuměłcow (ZSW) cełu chylku dla znatych pśicynow gódownicku wugótowaś. Zachadny pětk jo jadnab 25 cłonkow ZSW w budyšyńskej Röhrscheidtowej bastaji tradicionelne pśedgódowne zmakanje pó dwěma lětoma pawze zasej pśewjadło.

Pśedsedaŕ Zwězka, Jan Bělk, jo swěźeń z krotkeju rozpšawu wó statkowanju pśedsedaŕstwa w zachadnem lěśe wótwórił. „We wokognuśu mamy cełkownje 75 cłonkow. Mě wósebnje zwjaseli, až nam jo se raźiło, ako se groni ‚nowu frakciju‘ stwóriś“, jo wón pódšmarnuł, a jo pśi tom na nowych cłonkow, wósebnje z Dolneje Łužyce pokazał. Mjazy nimi su Źil-Francis Ketlicojc alias Źilka, Maks Bagańc, a Hella Stoletzkojc z Dolneje a Syman Hejduška a Pětr Dźisławk z Górneje Łužyce.