Z Lubnjowa/Lübbenau. Pśed 120 lětami jo se 19. decembra naroźił Erich Rinka do serbskeje familije w Lubnjowje. Rinkojc su bydlili pśi Měsćańskej grobli blisko źinsajšneje Postoweje drogi. Starjejšej njejstej byłej bogatej, toś jo dejał Erich wuknuś na rucnikarja. Wót 1909 do 1917 jo chójźił do gólcoweje šule, pón jo wuknuł na śišćarja w „Scharff‘ sche Druckerei.“
Z togo casa jo Rinka wulicował anekdotu: „Ako starjejšej stej mě wiźełej ako wuknjeńca z dobreju kóžaneju aktoweju tašu, stej gjarźe měniłej, až ten gólack jo něnto gótował wjeliku karjeru. We tej taše pak som jano góspodaŕske dokumenty a listy na post njasł.“
Fotograf źěłaśerjow