W Błotach su prědny raz pokazali tu serbsku stwóŕbu

Awtor: Konstanze Kušcyc stwórtk, 08. december 2022
Chor „Łužyca“ a chor Serbskego ludowego ansambla su gromaźe ze tšubaŕskimi muzikarjami statkowali. Konstanze Kušcyc

Z Tšupca/Straupitz. Južo dłujko jo ten koncert był planowany, kótaryž jo rozwjaselił tych jadnab gósći na prědnem adwenśe. Wšak jo južo dlej było to póžedanje za serbskim gódownym koncertom w Šinkelowej cerkwi w Tšupcu. We oktobrje 2019 jo gódowna kantata nastała a cakała, až pśiźo na jawišćo. Tak jo faraŕ Christopher Hanke na zachopjeńku koncerta gronił. Dalšny zwisk k Tšupcoju wobstoj z tekstom Tšupcańskego fararja Albina Mollerja z lěta 1574 we spiwje „Naroźiło jo se źiśetko“.

Teksty za dolnoserbsku gódownu kantatu jo napisał pěsnjaŕ Bernd Pittkunings a za kompoziciju su dobyli Oksanu Weingardtowu. Ideja angažement za teju kantatu jo pśišła wót spiwarja Geralda Schöna. Wšyknym tśom jo było wažne, až mógu teke lajske chory a towaristwa z mjeńšych wósadow wužywaś a zwónoźeś. Togodla su te jadnotliwe muzikowe źěle teje kantaty wótgranicowane, jaden k drugemu wótgranicowane a mógu se ako źěle graś. Toś jo jano mały orchester pśedwiźony, aby pśesajźenje za drugich móžno było.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś