Serbski institut se zaběra w knigłach z regionami serbskego sedleńskego ruma mjazy Złym Komorowom a Grodkom, kótarež su wósebnje pótrjefjone byli wót wugloweje jamy. Tam jo licba powědarjow serbskeje rěcy južo pśed lětźasetkami spadnuła, a źinsa namakajoš tam jano zbytki serbskich slědow. Ale teke w tych stronach se angažuju luźi - cesto cesnoamtske – kótarež se za to zasajźiju serbsku rěc a kulturu zasej wóžywiś. Awtory Lutz Laschewski, Fabian Jacobs a Měto Nowak analyzěruju tamnjejšu situaciju z wida kultury a rozkładuju pšawniske ramikowe wuměnjenja za spěchowanje serbskeje rěcy a kultury - wósebnje z wuglědom na strukturnu změnu - a wuwijaju pórucenja za statkowanje. Zakład za slěźenje a za knigły su byli wobšyrne napšašowanja akterow w regionje, wugódnośenje pódłožkow z akcije „Rěcam pśichylona komuna“ a workshopy. Rědnje jo, až dajo z tymi knigłami wobšyrny pśeglěd serbskeje rěcy, kultury a identity we „zabytych“ abo „njeznatych“ stronach wokoło Złego Komorowa a Grodka.