Z Města/Cottbus. Slědny tyźeń stej Serbski muzej a Witaj-centrum kuždy źeń wót wałtory do pětka wuknikow Witaj-projekta tśeśego lětnika a bilingualneje wucby ze zakładnych šulow pśepšosyłej, aby se gromadu w pśedgódownem casu rozwjaselili. Jo w běgu tych dnjow dogromady 220 wuknikow pśišło z Města (šule „Regine Hildebrandt“, „Astrid Lindgren“, „Wilhelm Nevoigt“ a „UNESCO“), Janšojc, Brjazyny, Tšupca, Kśišowa, Žylowa, Libanojc a Picnja. Take zmakanja organizěruju južo wót lěta 1997, tencas jo za tym stojało Serbske šulske towaristwo. Lětosa su byli pódla a su sobu statkowali Katrin Urbańscyna, Maks Bagańc, Madlena Norbergowa a dalšne. Projekt dajo wuknikam zwenkašulski rěcny rum a motiwaciju.