Ze Slěpego/Schleife. „Serbske mustwo“ – ole, ole, ole! ... Tak jo to zazněło pětk, 18. nowembra, we wjelikem zalu Serbskego kulturnego centruma we Slěpem w Domowinskej župje „Jakub Lorenc–Zalěski“. To wjasele jo było napšawdu wjelgin wjelike, gaž su se ten źeń zasej zmakali balokoparje, trenarje a dalšne cłonki „Serbskego mustwa“. Na kóńcu junija a na zachopjeńku julija togo lěta ga běchu wuspěšnje zastupowali Serbow a Domowinu na 4. Europeaźe, pśi europskich mejstaŕstwach narodnych mjeńšynow w balokopanju w Korutańskej/Kärnten w Awstriskej. Pó wjelgin dobrych graśach su se dostali do połfinale a na kóńcu su se wudobyli tśeśe městno mjazy 19 mustwami z cełeje Europy. Taki dobry rezultat hyšći žednje pśi Europeaźe jadno serbske mustwo dojśpiło njejo.