Z Mósta/Heinersbrück. Slědnu sobotu pśed prědnym adwentom jo był w gmejnskem centrumje w Mósće gódowny mark. Pó pśedprogramje su źiśi z ze swětlaškami wupyšnjonym wózydłom wótewzeli boga z góle. Wšykne źiśi su gromadu z bogom spiwali „Oh Tannenbaum“. Bog se póra.Źiśi su placki procniwje pjakli. Foto: Jost SchmidtchenŹowća gołkojskego towaristwa „Happy Bibo“ su pśi gódownem marku reje na jawišću pokazali. Foto: Marion HirchowaZ Łužyce/Lausitz. Wšuźi jo se za luźi zachopił adwentski cas. Prědna swěcka jo se na adwent zapaliła, w kuchni su prědne gódowne pjacywo pjakli, z pjaca dajo zasej spódobne śopło a prědne bajki běže z telewizora. Dom se wupyšnja ku gódam, jedłowe gałuze pyšnje tam a sem waze, swětlaška swěśe se w woknach, na bomach a pókóńcach domow, gódowny muziku njamóžoš wěcej pšec mysliś. Měrny a pówažny cas se zachopijo, dajomy rewiji lěta se zachopiś a se wobmyslijomy, co hyšći dajo wugbaś do kóńca lěta. Prědny adwentski kóńc tyźenja smy mógli jaden abo drugi z lubosću wugótowany gódowny mark dožywiś.