Nowember pśepšosyjo, aby měrnjejše wordowali. Smějomy pśemyslowaś. Pśemyslowanje jo rědne słowo. We njom štycy słowo zmysl. Wó zmysl musymy wótergi pśemyslowaś. Nowemberski pokoj móžo pomagaś. Zachopk nowembra stej wjelikej katolskej swěźenja: wšych swětych a chudych dušow. Swěcki na rowach wuswěśiju śamnosć kjarchoba. Pśi wšej žałosći, kenž luźe dla swójich lubych maju, spomnjejo swětło na rowach na swětło jatšownego swětła. We śamnosći žałowanja se schowa pśiduce swětło žywjenja, njejo pak wugasnjone. Łdze směju roniś, wóni cysće to glědanje, až buźo zasej swětło. Na taki part móžomy wiźeś znamjenja naźeje. Kaki dar to jo, kenž mamy našym łdzam źěkowaś! A to se wě : chwaliśboga.