Prozninski cas jo cas ferijowych graśow a tak jo dnja 1. nowembra zasej tak daloko było: dogromadu 12 źiśi jo namakało swóju drogu do zala Dolnoserbskeje kulturneje akademije, aby tam spódobne dny ze serbskeju rěcu dožywili. Na prědnem dnju su se wobźělniki a wobźělnice zeznali z pomocu wšakich graśow a su sebje swóje role za słuchograśe wupytali. Tekst za słuchograśe stej wuzwóliłej Gerald Schön a Franciska Albertowa, k dispoziciji stajiło jo se to wót Rěcnego centruma Witaj. Gótowe słuchograśe z titelom „To samotne jajko“ dostanu familije z postom pśipósłane do domow w Žylowje, Rogoznje, Janšojcach, Hochozy a hynźi. Ale dej se pó móžnosći teke w serbskem rozgłosu wusćełaś.