Słowjeńska režiserka Andrina Mračnikar pokažo we swójej dokumentaciji „Verschwinden/Izginjanje“ (zgubjenje) zachadnu a źinsajšnu situaciju awtochtoneje mjeńšyny korutańskich Słowjeńcow w Awstriskej z wida swójeje familijoweje historije. Z tym wóna njejo jano dała pśiglědarjam wósobinski póglěd do žywjenja słowjeńskeje familije w běgu sto lět, ale teke wubuźijo zajm za historiju a empatiju za situaciju teje mjeńšyny.