Z Města/Cottbus. 32. raz su se pśejadli Filmowy festiwal w Chóśebuzu, a to wót 8. do 13. nowembra. Mjazy 219 filmami ze wšakich krajow Europy, na pśikład z Ukrainy, Rumuńskeje, Pólskeje a drugich, su teke pokazali filmy z Łužyce, wót Serbow a wót drugich mjeńšynow. To groni: wjele zajmnego.

W sekciji Heimat/Domownja/Domizna jo publikum se rozwjaselił šleswigski krimi „Der Krug an der Wiedau“ z pěś rěcami, kótarež se powědaju w regionje nimsko-dańskeje granice. Dokumentariski film „Izginjanje“ (gubjenje) jo se zaběrał z korutańskimi Słowjeńcami w Awstriskej, a to na wjelgin wósobinsku wašnju. Z pomocu muziki a zuka wopyta serija „Wie klingt Heimat?“ wuznam togo - (w nimskem konteksće) - śěžkego słowa „Heimat“ dowuslěźiś. Za to jo muzikaŕ Felix Räuber z luźimi z Wórjejc a ze Serbami ze slěpjańskich a katolskich stron powědał a pótom z nimi spiwa nagrawał, kótarejž jo za kuždu epizodu sam zkomponěrował.