Z Drježdźan/Dresden. „Dny poezije k 14. Drježdźańskemu mytoju lyriki“, kótarež su byli 27. do 30. oktobra w głownem měsće Sakskeje, su se zakóńcyli. Pó finalnem cytanju jo wěcywuznaty a jury českego basnikarja Paula Novotnego z głownym mytom pócesćiła. Myto publikuma jo Paul-Henri Campbell dobył. Program literarnego swěźenja jo wob- pśimjeł cytanja a mjazy drugim sympozije a źěłaŕnicki wokoło pśestajenja a pśebasnjenja poezije. Teke šesty fachowy źeń poetiki pód motom „Basnjenje we słowjańskich rěcach“ su se pśi tej góźbje pśewjadli. Na zgromadnem zarědowanju towaristwow „seś lyriki“ a „literarna seś Drježdźany“, iniciatiwy nimskego pśestajaŕskego fonda „TOLEDO – pśestajaŕki a pśestajarje we wuměnjenju“, čechojskego centruma za literaturu a Dom Ericha Kästnera za literaturu su referěrowali, recitěrowali, diskutěrowali a muzicěrowali mjazy drugim Milan Šedín, Jan Škrob, Róža Domašcyna a spiwaŕka Die Hermann.