Z Wódowych Hendrichec/Seifhennersdorf. Aby se lěpjej mjazy sobu wopóznawali, něco dožywjowali a něco nowego dolabowali, su se familije zmakali we Wódowych Hendrichecach. Pśepšosyło jo je Serbse šulske towaristwo (SŠT), a tak su starjejše a źiśi gromadu pśišli we centrumje za wódychanje „KieZ Querxenland“. Pód motom „Nykosowe drogowanje“ su familije z Górneje a z Dolneje Łužyce tam póbyli. Cil zmakanja jo było, až se familije mjazy sobu wopóznawaju a se wulicuju, kak pla nich běžy, což nastupa to wuknjenje a wužywanje serbskeje rěcy. To jo groniła Kath-leen Komolcyna, wóna jo cłonk pśedsedaŕstwa togo SŠT. Ten projekt dajo něnto južo drugi raz, Załožba za serbski lud jo jen pódpěrowała.