Z Chósebuza/Cottbus. 5. nowembera jo we Wuměłstwowej hali Lužyca (Kunsthalle Lausitz) a Galeriji Pěś (Galerie Fünf) pśi Błośańskem dwórnišću Hella Stoleckojc pśepšosyła na wernisažu \"MĚKI soft\". Hella jo se naroźiła w Barlinju w lěśe 1996, jo wěcej raz cesćona ako serbska filmaŕka a mólaŕka.

„We swójich nejnowšych twóŕbach nawězujo Hella Stoleckojc dwa centralnej temowej kompleksa. Na jadnom boce staw nutśikowneje a wenkowneje – zrownju rumnostneje a socialneje – bliskosći a distance, kótaryž se we je twóŕbach wótbłyšćujo. Su to nutśikowne naglědy, tež how nic jano pó słowje w formje małych, cesto ześěsnjonje statkujucych (eng wirkenden) śpow, kótarež z rubišćami a drugimi objektami dalej wobgranicowane a rozdźělone su a tak teke schowane wěcy wóstajaju. Stakim dawaju mentalnje póglědaś do swěta zacuśow wuměłcowki, kótaraž se pógibujo mjazy samotnosću a njewomucneju njeměrneju pógonju.“