Chóśebuz/Cottbus. Chtož wumějo serbsku rěc, tomu wótwóriju se nowe perspektiwy na źěłowych wikach – doma we Łužycy, ale teke w dalokem swěśe, a to nic jano w typiskich „serbskich pówołanjach“. To su słyšali wukniki 9. lětnika na Dolnoserbskem gymnaziumje z wust Měta Nowaka, referenta krajnego zagronitego za nastupnosći Serbow. Wón jo źaržał referat na „kubłańskich wikach“ w awli šule pśed tśimi tyźenjami. „Wy sćo te jadnučke na swěśe, kótarež taku kulturnu a rěcnu kompetencu maju. Wužywajśo ju!“, jo młoźinje pśiwołał.