Z Rownego/Rohne. Lěcrownož dajo w nazymje na burskich dwórach, gumnach a gruntach pópšawem dosć źěła, ale wóny termin njejsu kśěli młoge Rownjanarje pśepasć: Jich chronika jo wujšła. Toś jo wjele luźi sobotu dopołdnja pśichwatało na Njepilic dwór a wjelgin lubje wuwitali su awtora Gerharda Fubmanna, kótaryž jo dejał styri tyźenje wóstaś w chórowni. 600 eksemplarow jo se śišćało. Rowne ma źinsa 400 wobydlarjow, ale tendenca jo stupajuca! Weto buźo chronika za wšych dosegaś a wóna se pśepódajo wejsanarjam zadermo, kuždej domacnosći a jich źiśam, teke gaž južo dawno z domacneje jsy wuśěgnuli su. Chronika jo domownja a ta zwěžo.