Z Bórkowy/Burg. Južo 24. septembra jo „Źiśownja strowoty – Błośańske“ lutki w Bórkowach swóje źurja wótcyniła. Źiśownja jo měła 70. jubilej, a jo swěśiła z dnjom wótwórjonych źuri. Źiśi wót styri do pěś lět (kwětkowa kupka) su na zachopjeńku wšake štucki zespiwali, mjazy drugimi spiwami teke „Stup dalej“ a „Rědny swěźeń swěśimy“. Na kóńcu jo slědował rejowaŕski program „Rejowaŕskeje akademije Mariki.“ Na cełem arealu źiśownje su byli wjeraški. Kak móžoš strowe tunki sam zgótowaś, górki zawariś a napołniś měški ze strowymi zelami. Gósć jo mógł póglědnuś do chroniki źiśownje a glědaś na slědnych 70 lět. Chtož jo kśěł, jo mógał słuchaś na zukowe wulicowańka, abo se na pytanju pókłada wobźěliś abo se daś šminkowaś abo rušowaś na skokanišću. Gósći su se informěrowali wó projekśe Witaj. Wótkubłaŕki su gósćam pokazali serbske pedagogiske materialije za wšedny źeń źiśownje.