Diskusija wó kritice pśeśiwo njedemokratiskej hungorskej politice na kongresu Europskich mjeńšynow pśima dleja dalej. Wót nowego wuzwólony FUEN-prezident Loránt Vincze (Hungorska mjeńšyna w Rumuńskej) jo wobzamknjenje Europskego parlamenta (EP), až Hungorska njejo połnogódna demokratija, ale „wólbna awtokratija“, pó polemiskej wašni južo w septembrje - pśed FUEN-kongresom w Barlinju - zjawnje kritizěrował. Cłonk EP jo parlamentoju wuchytował, až jo „wjelika lěwobocna ideologiska hupa“. Pśicyna za to jo była dokument z rozpšawu, kenž pšawostatnosć w Hungorskej wót boka EU wobcwiblujo.