Gaž pytamy w Dolnej Łužycy familije, ako su swóje źiśi wjelgin derje w serbskem duchu wótkubłali, pón su Šurmanowe w Chóśebuzu za to wjelgin dobry pśikład. Maks Šurman a jogo žeńska Gizela stej to ze swójeju źowku a swójim synom wjelgin derje zwónoźiłej. Pětš njejo jano pśipóznaty serbski historikaŕ w Serbskem Instituśe, ale wugbajo ako Domowinski župan w Dolnej Łužycy a ako pśedsedaŕ Maśice Serbskeje wjelgin zagronite źěło. A źowka Sabina njejo jano zastupna direktorka Załožby za serbski lud, ale južo 30 lět dłujko nawjedujo wjeliku Domowinsku kupku w Chóśebuzu.